விமலின் கருத்தை நான் முழுமையாக ஆதரிக்கிறேன். பொறுப்பான முறையில் பயணம் செய்வது மிகவும் முக்கியம். சுற்றுச்சூழலை பாதுகாப்பது, உள்ளூர் கலாச்சாரத்தை மதிப்பது, அந்த நாட்டின் மொழியில் சில சொற்கள் கற்றுக்கொள்வது ஆகியவை சிறந்த பழக்கங்கள். இவை பயணத்தை மேலும் அர்த்தமுள்ளதாக மாற்றும்.

கோமதியின் கருத்தையும் புரிந்துகொள்ள முடியும். விடுமுறை என்பது ஓய்வு எடுக்கும் நேரம் என்பது உண்மைதான். ஆனால் சுற்றுச்சூழலை பாதிக்கும் வகையில் பயணம் செய்வது நீண்டகாலத்தில் அனைவருக்கும் தீங்கு விளைவிக்கும்.

நோர்வேக்கு வரும் சுற்றுலாப் பயணிகளிடம் நான் சில விடையங்களை எதிர்பார்க்கிறேன். இயற்கையை மதிக்க வேண்டும். குப்பைகளை சரியான இடத்தில் போட வேண்டும். உள்ளூர் மக்களையும் அவர்களின் வாழ்க்கை முறையையும் மதிக்க வேண்டும். «நாம் வந்த இடம் நாம் வந்ததற்கு முன் இருந்தது போலவே இருக்க வேண்டும்» என்ற கொள்கையை பின்பற்ற வேண்டும்.

மதிப்பிற்குரிய ஆசிரியருக்கு,

வணக்கம். கடந்த வாரம் நடைபெற்ற தேர்வில் ஒரு முக்கியமான விடையத்தை உங்களிடம் தெரிவிக்க விரும்புகிறேன்.

தேர்வின் போது என் வகுப்புத் தோழர் ஒருவர் தனது கைத்தொலைபேசியை பயன்படுத்தி விடைகளை பார்த்து எழுதியதை நான் கவனித்தேன். அவர் மேசைக்கு கீழே மறைத்து வைத்திருந்தார்.

இதை தெரிவிப்பது எனக்கு கடினமான முடிவு. ஆனால் நேர்மையாக படிக்கும் மாணவர்களுக்கு நீதி கிடைக்க வேண்டும் என்பதால் தெரிவிக்கிறேன். அநியாயமாக மதிப்பெண் பெறுவது அனைவருக்கும் தீங்கு.

எதிர்காலத்தில் இதை தடுக்க, தேர்வு அறையில் கைத்தொலைபேசிகளை சேகரிக்கலாம். கண்காணிப்பையும் அதிகரிக்கலாம்.

நன்றி.

சில சூழ்நிலைகளில் தவறுகளைப் பற்றி மற்றவர்களிடம் தெரிவிப்பது மிகவும் முக்கியம். ஆனால் சில சூழ்நிலைகளில் அமைதியாக இருப்பது நல்லது.

தெரிவிக்க வேண்டிய சூழ்நிலை: யாரேனும் பாடசாலையில் மற்ற மாணவர்களை தொடர்ந்து கொடுமைப்படுத்தினால், நிச்சயமாக ஆசிரியரிடம் தெரிவிக்க வேண்டும். ஏனென்றால் பாதிக்கப்படும் மாணவரின் உடல் நலமும் மன நலமும் ஆபத்தில் உள்ளன. மௌனமாக இருப்பது பிரச்சனையை மோசமாக்கும்.

அமைதியாக இருக்க வேண்டிய சூழ்நிலை: ஒரு நண்பர் சிறிய தவறு செய்தால், உதாரணமாக ஒருமுறை வீட்டுப்பாடம் செய்யாவிட்டால், அதை ஆசிரியரிடம் போய் சொல்ல வேண்டியதில்லை. இது சிறிய விடையம், அவரே சரி செய்துகொள்வார். நேரடியாக நண்பரிடம் பேசுவது போதுமானது.

பொதுவாக, யாருக்கேனும் தீங்கு ஏற்படும் போது தெரிவிக்க வேண்டும். ஆனால் சிறிய தனிப்பட்ட விடையங்களுக்கு மற்றவர்களிடம் புகார் செய்வது நம்பிக்கையை சிதைக்கும்.

செய்திகளைத் தொடர்ந்து அறிவது இன்றைய உலகில் மிகவும் முக்கியமானது என்று நான் நம்புகிறேன். ஒவ்வொரு நாளும் காலையில் முக்கிய செய்திகளை படிப்பது எனது வழக்கம். உலகில் என்ன நடக்கிறது என்பதை அறிவது ஒரு பொறுப்பான குடிமகனின் கடமை.

அரசியல், சுற்றுச்சூழல், கல்வி மற்றும் சுகாதாரம் போன்ற விடையங்களைப் பற்றி நன்றாக தெரிந்துகொள்ள வேண்டும் என்று நினைக்கிறேன். இவை நம் அன்றாட வாழ்க்கையை நேரடியாக பாதிக்கின்றன. ஆனால் பிரபலங்களின் தனிப்பட்ட வாழ்க்கை, வதந்திகள் போன்ற செய்திகள் அதிகமாக வருகின்றன. இவை நேரத்தை வீணடிக்கின்றன.

நான் செய்திகளை பல ஆதாரங்களிலிருந்து பெறுகிறேன். NRK செய்தி இணையத்தளம் எனது முதன்மை ஆதாரம். ஏனென்றால் அது நம்பகமான பொது ஊடகம். அத்துடன் இலங்கை வீரகேசரி பத்திரிகையின் இணையப் பதிப்பை தமிழ் செய்திகளுக்கு படிக்கிறேன். சமூக ஊடகங்களிலும் சில செய்திகளை காண்கிறேன், ஆனால் அவற்றை எப்போதும் சரிபார்ப்பேன்.

செய்தி ஆதாரங்களை தேர்ந்தெடுப்பது மிகவும் முக்கியம். ஏனென்றால் தவறான தகவல்கள் இன்று அதிகமாக பரவுகின்றன. சில ஊடகங்கள் வேண்டுமென்றே பொய்யான செய்திகளை பரப்புகின்றன. இவை அரசியல் நோக்கத்திற்காகவோ பணம் சம்பாதிப்பதற்காகவோ உருவாக்கப்படுகின்றன. நம்பகமான ஆதாரங்களை தேர்ந்தெடுப்பதால் சரியான தகவல்களை பெறலாம். பல ஆதாரங்களை ஒப்பிட்டு பார்ப்பது மிகவும் நல்ல பழக்கம். விமர்சன பூர்வமாக சிந்திக்கும் திறன் இன்றைய தகவல் யுகத்தில் ஒவ்வொருவருக்கும் அவசியமானது.